Хабарлар

Maktabgacha ta'lim bo'limlari o'rganildi.

09-08-2022 17:09   29

Samarqand viloyat hokimligi va Maktabgacha ta'lim boshqarmasi hamkorligida Kattaqo'rg'on shahri, Paxtachi, Narpay va Kattaqo'rg'on tumanlari maktabgacha ta'lim bo'limlarida “Davlat tili haqida”gi Qonun va Vazirlar Mahkamasining “Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash chora-tadbirlari to‘g‘risida”gi qarori ijrosi hamda ma'naviy-ma'rifiy sohada olib borayotgan ishlari o‘rganildi.

O'rganish natijalarida aniqlangan kamchiliklarni bartaraf etish bo'yicha mutasaddilarga tegishli ko'rsatmalar berildi.

Urgut tumanining eng olis chekka hududlarida 1 kunda 3 ta davlat maktabgacha ta'lim tashkiloti ochildi.

25-07-2022 15:49   60

Tumandagi eng olis chegara oldi hududlarida bir kunda 3Urgut tumanining eng olis chekka hududlarida 1 kunda 3 ta davlat maktabgacha ta'lim tashkiloti ochildi. ta yangi davlat maktabgacha ta'lim tashkilotining ochilishi natijasida 220 ta maktabgacha ta'lim yoshidagi bolalar qamrab olindi.
Tadbirda tuman hokimi B.Jabborov, tuman prokurori Sh.Xolmurzayev, tegishli tashkilot vakillari hamda keng jamoatchilik ishtirok etishdi.

Nurobod tumani “Do‘stlik” mahallasida yangi tashkil etilgan 20-son davlat maktabgacha ta'lim tashkilotining ochilish marosimi bo‘lib o‘tdi.

25-07-2022 15:42   67

Do‘stlik mahalla fuqarolar yig‘inida bugungi kunda 1 ta oilaviy nodavlat maktabgacha ta'lim muassasa mavjud bo‘lib, maktabgacha ta'lim yoshidagi 3-7 yoshli bolalar soni 338 nafarni tashkil etadi.

"Titan stroy" MCHJ tomonidan viloyat mahalliy byudjeti mablag‘lari hisobidan 1 mrd. 331 mln so‘mlik zamonaviy 60 o‘rinli davlat maktabgacha ta'lim tashkiloti binosi qurib bitkazildi.

Yangi tashkil etilgan davlat maktabgacha ta'lim tashkiloti zamonaviy mebellar, o‘quv-uslubiy, didaktik materiallar, rivojlantiruvchi o‘yin va o‘yinchoqlar bilan jihozlangan.

Tadbirda tuman hokimi Sh.Yuldashev va viloyat Xalq qabulxonasi mudiri M.Turdiyev, sektor rahbarlari, keng jamoatchilik vakillari ishtirok etishdi

Samarqand viloyat Maktabgacha ta'lim boshqarmasi tomonidan Jomboy tumaniga press-tur tashkil etildi.

21-07-2022 17:42   64

Viloyat Maktabgacha ta'lim tizimida amalga oshirilayotgan islohotlar va uning natijasida bog‘cha yoshidagi bolalar uchun yaratilgan shart-sharoitlar, imkoniyatlar bilan tanishtirish maqsadida viloyat Maktabgacha ta'lim boshqarmasi tomonidan Jomboy tumaniga press-tur tashkil etildi.
Hozirgi kunda viloyatda 340 974 nafar maktabgacha yoshdagi bolalar mavjud bo‘lib, ularning 222 519 nafari yoki 65,3 foizi maktabgacha ta'lim bilan qamrab olindi. Bog‘chalarlar soni 2 877 taga oshib, 3 441 tani tashkil etmoqda. 2022 yil yakuniga qadar 3-7 yoshli bolalar qamrovi 72,7% ga yetkazish rejalashtirilgan. Press-tur ishtirokchilari dastlab tumandagi 24-son davlat maktabgacha ta'lim tashkilotida bo‘lib bu yerdagi sharoitlar, ta'lim-tarbiya jarayonlari bilan tanishdilar. Mashg‘ulotlar jarayonini bevosita kuzatishdi. Bugungi kun tarbiyalanuvchilari zukko, dono, hozirjavob, ko‘p narsani bilishga qiziqishadi. Jurnalistlar bolalar bilan suhbatda bo‘lib, ularning dastlabki bilim va ko‘nikmalarini e'tirof etishdi. Quvvati 120 o‘ringa mo‘ljallangan mazkur maktabgacha ta'lim tashkiloti Xolvoyi MFY joylashgan bo‘lib, 2021 yilda invistitsiya dasturi asosida qurib foydalanishga topshirilgan. Unda 6 ta to‘liq asosiy guruhlar, 2 ta qisqa muddatli guruxlar faoliyat yuritadi. Jami tarbiyalanuvchilar soni 210 nafar, ishchi-xodimlar esa 30 nafarni tashkil etadi.
OAV vakillari tumanning Samariand mahallasida DXSH asosida tashkil etilgan "Yulduzli marjon" NMTTdagi ta'lim-tarbiya jarayonlari, mashg‘ulotlarning olib borilishi, tarbiyalanuvchilarning o‘zlashtirgan dastlabki savodxonligi borasida ma'luotlarga ega bo‘lishdi. Mazkur muassasa shahar bog‘chalaridan qolishmaydi, barcha qulayliklar bolajonlar uchun. "Yulduzli marjon" maktabgacha ta'lim tashkilotida 75 nafa bolajonlar tarbiya topmoqda. Bu yerda bolalarga xorijiy tillarni urgatish yaxshi yo‘lga quyilgan.

Maktabgacha ta'lim tashkilotida mashg‘ulotlar o‘zbek, rus va ingiliz tilllarida o‘tkaziladi. Buning uchun esa alohida xonalar ajratilgan va malakali pedogog xodimlar jalb qilingan. Shuningdek, bolajonlarni sog‘lom bo‘lib voyaga yetishlari uchun sport tugaraklari ham faoliyat olib borishmoqda. Maktabgacha ta'lim tashkiloti oshxonasi 100 o‘ringa mo‘ljallangan va bu yerda taomlarni malakali oshpazlar tayyorlab berishadi. Rejalashtirilgan. Press-tur doirasida jurnalistlarni qiziqtirgan savollarga atroflicha javoblar qaytarildi.

6-DMTT yangi binoda ish boshladi.

08-07-2022 15:44   92

Bugun Oqdaryo tumani “Navoiy” mahalla fuqarolar yig‘inida 150 o‘rinli 6-sonli Davlat maktabgacha ta'lim tashkilotining yangi binosi foydalanishga topshirildi.
Mazkur zamonaviy usulda bunyod etilgan yangi muassasa binosini ochilish marosimida tuman hokimi Sherzod Qudratov, tuman maktabgacha ta'lim bo‘limi xodimlari, ota-onalar, nuroniylar hamda mahalla faollari ishtirok etishdi.

“Yangi O‘zbekiston – inson qadri ulug‘langan yurt” shiori ostidagi madaniy-ma'rifiy targ‘ibot tadbir bo‘lib o‘tdi.

05-07-2022 16:46   93

Toyloq tumani maktabgacha ta'lim bo‘limi tasarrufidagi Davlat maktabgacha ta'lim tashkilotlarida kinoijodkorlar ishtirokidai “Yangi O‘zbekiston – inson qadri ulug‘langan yurt” shiori ostidagi madaniy-ma'rifiy targ‘ibot tadbirlar bo‘lib o‘tdi.

San'at vakillari maktabgacha ta'lim tashkilotlari direktorlari va metodistlari bilan yuzma-yuz, turli mavzularda samimiy muloqotda bo‘lishdi.
Inson kamolotida adabiyot, san'at va madaniyatning o‘rni xususida fikr-mulohazalar bildirilib, she'r va kuy-qo‘shiqlar ijro etildi

Poytaxtdan kelgan san'atkorlar ishtirokidagi "Ma'naviyat festivali" Toyloq tumanidagi 21-maktabgacha ta'lim tashkilotida davom etdi.

Tuman maktabgacha ta'lim tashkilotlari direktorlari hamda xodimlari elimiz suygan san'atkorlarning tadbir dasturlarini tomosha qilishdi.

“Zukko Bolajon!” loyhasi fotoalbomi taqdimoti Samarqand shahridagi 36-sonli maktabgacha ta’lim tashkilotida bo‘lib o‘tdi.

05-07-2022 16:18   87

“Yangi O‘zbekiston – ma’rifatli jamiyat” shiori ostida o‘tkazilayotgan “Maʼnaviyat festivali” doirasida “Zukko Bolajon!” loyhasi fotoalbomi taqdimoti Samarqand shahri 36-sonli maktabgacha ta’lim tashkilotida bo‘lib o‘tdi. “Zukko Bolajon!” loyihasi doirasida fotoko‘rgazma hamda Samarqand viloyati qo‘g‘irchoq teatri tomonidan sahna ko‘rinishlari namoyish etildi.
Tadbirda so‘zga chiqqanlar “Zukko bolajon” fotoalbomi ilk bilim va tarbiya maskanlari – maktabgacha ta’lim tashkilotlaridagi bolalarda ijtimoiy motivlarni uyg‘otish, badiiy-estetik didni shakllantirish, intellektni rivojlantirish, kundalik turmushdagi qoidalarini o‘rgatish, yaqinlarga g‘amxo‘rlik qilish, o‘z tuyg‘ularini boshqarish kabi fazilatlarni o‘rgatishga xizmat qilishini ta’kidladi.

“Yoshlar festivali-2022” doirasida Samarqand shahar “Yoshlik” istirohat bog‘ida bolajonlar uchun “Yangi O‘zbekiston yoshlari birlashaylik” shiori ostida “Qo‘g‘irchoq teatri” konserti namoyish etildi.

27-06-2022 14:15   93

Karnay-surnay sadolari ostida bolajonlar va ularning ota-onalarini ertak qaxramonlari ishtirokida kutib olindi.
Samarqand viloyat qo‘g‘irchoq teatrining quvnoq mazxarabozlarining chiqishlari, tarbiyalanuvchilar ishtirokida konsert dasturlari namoyish etildi.
Shuningdek, tadbirda xonandalar tomonidan ijro etilgan qo’shiqlar, ertak qaxramonlari, tomoshabin ota-onalarni bolajonlari bilan raqslari barchaga o’zgacha zavq bag‘ishladi.

BOLAJONLAR O‘RTASIDA SPORTNING SHAXMAT TURI BO‘YICHA VILOYAT BOSQICHI O‘TKAZILDI.

24-06-2022 18:11   114

Viloyat bosqichida tuman va shahar maktabgacha ta’lim tashkilotlaridan jami 26 nafar tarbiyalanuvchi faol qatnashib, musobaqada o‘g‘il bolalar o‘rtasida faxrli I-o‘rinni Kattaqo‘rg‘on shahar 19-sonli DMTT tarbiyalanuvchisi Mamarahimov Azizbek, II-o‘rinni Samarqand tumani 34-sonli DMTT tarbiyalanuvchisi Shokirov Mironshoh, III-o‘rinni esa Paxtachi tumani 13-sonli DMTTtarbiyalanuvchisi Meliev Firdavslar egalladi.
Musobaqada qiz bolalar o‘rtasida faxrli I-o‘rinni Urgut tumani 33-sonli DMTT tarbiyalanuvchisi Ortiqova Mohlaroyim, II-o‘rinni Ishtixon tumani 22-sonli DMTT tarbiyalanuvchisi Ilhomova Farida, III-o‘rinni Paxtachi tumani “Shodlik” DXSh tarbiyalanuvchisi Jonibekova Gavharlar egalladi.
Musobaqa g‘oliblari va ishtirokchilari viloyat maktabgacha ta’lim boshqarmasining diplom va esdalik sovg‘alari bilan taqdirlandi.

“Maktabgacha ta’lim tizimida Kuzatuv kengashi faoliyatini samarali tashkil etish” mavzusida seminar bo’lib o’tdi.

24-06-2022 17:42   111

Samarqand tumani maktabgacha ta’lim bo‘limi tasarrufidagi 3-son davlat maktabgacha ta’lim tashkilotida “Maktabgacha ta’lim tizimida Kuzatuv kengashi faoliyatini samarali tashkil etish” mavzusida seminar bo’lib o’tdi.

Ma’lumki, mamlakatimizda Maktabgacha ta’lim tizimini yanada takomillashtirish, moddiy-texnik bazasini mustahkamlash, maktabgacha ta’lim tashkilotlari tarmog‘ini kengaytirish, malakali pedagog kadrlar bilan ta’minlash, bolalarni maktab ta’limiga tayyorlash darajasini tubdan yaxshilash, ta’lim tarbiya jarayoniga zamonaviy dastur va texnologiyalarni tatbiq etish, bolalarni har tomonlama intellektual, axloqiy estetik va jismoniy rivojlantirish uchun shart – sharoitlar yaratishdan keng ko‘lamli islohatlar olib borilmoqda.

Xususan, Maktabgacha ta`lim tizimida tashkilotlar faoliyatini takomillashtirish, bola shaxsini rivojlantirish va ta`lim-tarbiya berishda ko‘maklashish hamda bu borada jamoatchilik roli va nazoratini yanada kuchaytirish maqsadida,  O‘zbekiston Respublikasining 2019-yil 16-dekabrdagi “Maktabgacha ta’lim va tarbiya to‘g‘risida”gi O‘RQ-595-son Qonuni, O‘zbekiston Respublikasi Prezidentining 2018-yil 30-sentyabrdagi “Maktabgacha ta’lim tizimini boshqarishni takomillashtirish chora-tadbirlari to‘g‘risida”gi PQ-3955-son qarori, O‘zbekiston Respublikasi Prezidentining 2019-yil 8-maydagi “O‘zbekiston Respublikasi maktabgacha ta’lim tizimini 2030 yilgacha rivojlantirish Konsepsiyasini tasdiqlash to‘g‘risida”gi PQ-4312-son qarori, O‘zbekiston Respublikasi Vazirlar Mahkamasining 2019-yil 13-maydagi “Maktabgacha ta’lim tashkilotlari faoliyatini yanada takomillashtirish chora-tadbirlari to‘g‘risida”gi  391-son qarori hamda O‘zbekiston Respublikasi Maktabgacha ta’lim vazirining 2018-yil 21-noyabrdagi “Maktabgacha ta’lim tashkilotining kuzatuv kengashi haqidagi namunaviy nizomini tasdiqlash to‘g‘risida”gi 2-MX–sonli buyrug‘i O‘zbekiston Respublikasi Maktabgacha ta’lim vazirining 2018-yil 6-dekabrdagi “Maktabgacha ta’lim tashkilotlarining Kuzatuv Kengashlari faoliyatini tashkil etish haqida”gi 239-sonli buyrug‘i ishlab chiqilib ijroga yo‘naltirildi.

O‘zbekiston Respublikasining Maktabgacha ta’lim va tarbiya to‘g‘risidagi Qonunining 50-moddasida davlat maktabgacha ta’lim tashkilotida bolani tarbiyalash, rivojlantirish va unga ta’lim berishga ko‘maklashish maqsadida kuzatuv kengashi[1] tashkil etilib, uning tarkibi ushbu tashkilotga boradigan bolalarning qonuniy vakillari, o‘z xodimlari, shuningdek nodavlat notijorat tashkilotlarining hamda fuqarolik jamiyati boshqa institutlarining vakillari orasidan shakllantirilishi belgilangan.

Ushbu me’yoriy-huquqiy hujjatlarning ijrosi ta’minlanganligini hamda maktabgacha ta’lim tashkilotida tashkil etilgan kuzatuv kengashlarining samarali faoliyat olib borishini ta’minlash, maktabgacha ta’lim tashkiloti moddiy-texnik bazasini mustahkamlashda kuzatuv kengashining roli umuman olganda maktabgacha ta’lim tashkilotida kuzatuv kengashi qay tartibda tashkil etilgan bo‘lishi lozim va uning faoliyatini to‘g‘ri yo‘lga qo‘yishni namunaviy tarzda tashkil etish uchun viloyat maktabgacha ta’lim tizimi xodimlari Sirdaryo viloyatida bo‘lib, mazkur kengashni tashkil etish va uning faoliyatini samarali olib borish masalasida Maktabgacha ta’lim vazirligi tashabbusi bilan tashkil etilgan amaliy seminarda qatnashib qaytdilar.

Bugungi kunda viloyat maktabgacha ta’lim tizimini yanada rivojlantirish, maktabgacha ta’lim tashkilotlarining moddiy-teznik bazasini yaxshilash maqsadida, kuzatuv kengashlari faoliyatini samarali yo‘lga qo‘yish dolzarb masalalardan biri hisoblanadi.

 

 
Matnni o‘qish uchun ushbu tugmani bosing