Samarqand viloyati
Maktabgacha ta'lim boshqarmasi
w w w . s a m u d o . u z

TINCHLIGIMIZ QALQONISIZ -HARBIYLAR

   Tinchlik-bebaho tengsiz ne'mat. Kun sayin go‘zallashib borayotgan diyorimizda tinchlik va farovonlik shukuhi hukmron. Bu yurtda tug‘ilib kamolga yetgan farzandlar ona Vatan himoyasini muqaddas burch deb biladilar.
Bu yorug‘ olamda ona Vatanni himoya qilishdan ortiq muqaddas burch, xalq osoyishtaligini qo‘riqlashdan ham ezguroq yumush yo‘qdir. Tinchlikni qadrlash, yurtni sevib-ardoqlash har bir inson uchun ham qarz, ham farzdir.

Vatanni sevmoq-iymondandir. Vatan muhabbati barchamiz uchun birday aziz, birday ardoqli. Yurtimiz istiqboli va tinchligini dillariga jo etgan harbiylarimiz borki, tonglarimiz osuda, kunlarimiz farovon, osmonimiz musaffo.Har bir yigitning eng oliy maqsadi vatanimizning osoyishtaligini mustahkamlash, sarhadlarimiz daxlsizligini ta'minlashga hissa qo‘shishdan iborat. O‘zbekistondek jannatmakon va betakror diyorimizning dunyoga tanilishida Milliy Qurolli Kuchlarimizning salmoqli o‘rni bor. istiqlolga erishgan kunimizdan boshlab buyuk sohibqiron Amir Temurning tuzuklari asosida alp o‘g‘lonlarimiz sharaf deb bilgan Milliy armiyamiz har jihatdan mustahkamlandi. Zamonaviy qurol-yaroqlarni mohirlik bilan boshqaradigan bilimdon xizmatchilar bilan ta'minlangan qo‘shin turlari shakllandi.
Harbiylikni sharaf deb bilgan yurtning asl o‘g‘lonlari o‘z kelajagini shu kasb bilan bog‘lashadi. Vatan himoyachilari ularga qaratilayotgan e'tibor va imkoniyatlarga javoban ona diyorimiz sarhadlarini mustahkam himoya qilishda fidoyilik va jasorat ko‘rsatishyapti.
O‘zbekiston Qurolli Kuchlarining tayanchi va suyanchi bo‘lgan zamonaviy harbiy xizmatchilar timsolida biz avvalo yigitlik burchini bajarish yo‘lida qat'iy iroda va mustahkam tayyorgarlikka ega bo‘lgan, ona yurtimizga sadoqatli, mard va fidoyi insonlarni ko ‘ramiz hamda ular bilan faxrlanamiz.
Aslida bu kun Vatanini jonidan ortiq ko‘ruvchi, yurtining sha’ni, totuvligini himoya qilishga doim tayyor bo‘lgan har bir fuqaroning bayramidir.
Bayram bilan chin qalbimizdan tabriklaymiz!

Zaynitdin Jurayev
Viloyat Maktabgacha ta‘lim boshqarmasi boshlig‘i


Kiritilgan vaqti: 14/01/2022 10:41;   Ko‘rilganligi: 308
 
Material manzili: https://samudo.uz/press/news/tinchligimiz-qalqonisiz-harbiylar
Chop etilgan vaqti: 12/08/2022 05:36
Matnni o‘qish uchun ushbu tugmani bosing